Сандра Танчева
Професија: македонска театарска и филмска глумица.
Основното и средното образование ги завршува во родниот град. Во академската 2017/2018 година се запишува на Факултетот за драмски уметности во Скопје, каде што студира глума. Во моментот е студент на втора година во класата на редовен професор д-р Сузана Киранџиска, со асистент м-р Кристина Леловац. Со глума се занимава од својата 10-годишна возраст, започнувајќи на аматерско ниво, при што рано го покажува својот талент и интерес за сценската уметност.
Театрографија
| Година | Претстава | Улога |
|---|---|---|
| 2023 | Лепа Ангелина | Старица |
| 2024 | Вечера за глупаци | Кристина |
| 2025 | Мајка | Елоди |
| 2025 | Госпоѓа Министерка | Анкица |
| 2025 | Галеб | Нина Михајловна Заречна |
| 2025 | Не можеме да платиме, нема да платиме | Маргарита |
Театарски достигнувања
Има освоено три награди на државни рецитаторски натпревари. Во учебната 2013/2014 година, во рамките на 36. Државен натпревар по македонски јазик и литература, го освојува првото место. Во 2016/2017 година, на истиот натпревар, го освојува третото место. Во учебната 2017/2018 година, на државниот рецитаторски натпревар „Рацинови средби“, го освојува првото место. Во 2016/2017 година, на фестивал во Требиње, Србија/БиХ, добива диплома за најдобар актер/актерка за улогата на Жана во претставата „Дома“. Активно учествува на бројни поетски читања, каде што се истакнува со својата сценска интерпретација и актерска изразност.
Сандра Танчева во театарот „Џинот“
